25 тамызда дөңгелек үстел форматында Лисаков археологиялық экспедиция өкілдерімен кездесу өтті. Дөңгелек үстел жұмысына: Лисаков қаласының әкімі – А.С. Ибраев, Лисаков қаласы әкімінің орынбасары – С. Ж. Шаймурунов, Лисаков қалалық мәслихатының хатшысы – С. К. Шалдыбаева, "Аманат" партиясының Лисаков қалалық филиалының атқарушы хатшысы-К. Х. Мухамадиева қатысты.
Диалогтың белсенді қатысушылары: Лисаков археологиялық экспедициясының жетекшісі Э.Р.Усманова, ҚР құрметті мәдениет қызметкері, Лисаков қаласының Құрметті азаматы; Е.Е.Мустафина, қазақстандық мұнай-газ салалық кәсіподағының төрайымы (Атырау қ.); Л.Х.Абдуллаева, ЮНЕСКО халықаралық орталықазиялық зерттеулер институтының қызметкері (Самарқанд қ., Өзбекстан); Л.Г.Лескова, Лисаков қаласының Құрметті азаматы Лисаков қаласының азаматы, "Возрождение" қазақстандық немістер қоғамының Лисаков филиалының басшысы; В.А.Ремхе, Федералдық банктің ақпараттық технологиялар бөлімінің басшысы (Томск қ., РФ); Т.А.Малышкина, әкімшіліктің кеңсе-менеджері (Гороховец қ., Владимир облысы, РФ); А.С.Николенко, Балалар көркемсурет мектебінің оқытушысы (Лисаковск қ.). Қызығушылық танытқан тыңдаушылар қатарында қалалық мәслихат депутаттары, тарих және география мұғалімдері, қалалық мәдениет қызметкерлері, ардагерлер кеңесінің өкілдері және жастар ресурстық орталығының еріктілері болды.
Талқыланған тақырып – Лисаковск қаласының шығармашылық және туристік әлеуеті.  Қаланың мәдени саясатын жетілдіру бойынша түрлі ұсыныстар айтылды, атап айтқанда: жаңа "Ашық қорлар" экспозициясы есебінен Лисаков музейін кеңейту, қалалық сурет галереясын ашу, бұқа мүсінін орталық алаңнан музей ауласына көшіру. Э.Р. Усманова қалалық мурал тақырыптарына андроновтық мотивтерді енгізуді ұсынды. Пікір алмасу жемісті өтті, мұндай кездесулер дәстүрге айналуы мүмкін.