«Туған жердің тарихы»

Өлкетану зерттеулерінің жаңа жинағы

«Қазіргі кез-келген оқиға өткеннен туады

және болашақтың әкесі болып табылады».

Вольтер

«Рухани жаңғыру» республикалық бағдарламасы аясында Лисаков Жоғарғы Тобылдың тарих және мәдениет мұражайы «Туған жердің тарихы» атты төртінші өлкетану жинағын шығарды, онда 2019 жылғы 10 қазанда Лисаков қаласында өткен «Туған жер-2019» өңірлік конференциясы қатысушыларының мақалалары жарияланды.

ҚР және РФ тарих ғылымдарының докторы, А. Байтұрсынов атындағы Қостанай мемлекеттік университетінің Қазақстан тарихы және философия кафедрасының профессоры Д.М. Легкий, «Челябі МУ» ФМБББМ Қостанай филиалының әлеуметтік-гуманитарлық және жаратылыстану-ғылыми пәндер кафедрасының профессоры, тарих ғылымдарының кандидаты С.В. Самаркин басылымның рецензенттері болды.

Д.М. Легкий өз шолуында бұл жинақ сөзсіз практикалық құндылыққа ие екендігін және оқу орындарында, кітапхана желісінде, мәдени және білім беру мекемелерінде қолдануға болатындығын атап өтті. Оның пікірінше, Қазақстан Республикасы Орталық мемлекеттік тарихи мұрағатының, Ресей мемлекеттік тарихи мұрағатының мұрағаттық құжаттарын қолдану екі жарияланған мақаланың авторы А.А.Шеферге Қостанай уезінің Дамбар және Валерьянов болыстары тарихының бұрын белгісіз жақтарын ашуға мүмкіндік берді.

С.В. Самаркин «Жергілікті тарих» оқиғаларын тереңірек зерттеу және қалпына келтіру болашақ ұрпақ үшін зор маңызға ие екенін, жарияланымдар жинағы өлке тарихындағы зерттелетін тақырыптардың шеңберін кеңейтуге мүмкіндік беретінін атап өтті.

Мақалалардың авторлары Германия, Қазақстан мұғалімдері, мұражай, мұрағат, кітапхана қызметкерлері, өлкетанушылар: М.А. Алексеенко, С.Н. Виниченко, Н.Е. Жиляева, А.К. Кадырханова, О.Г. Князева, А.Г. Кургузкин, Л.Г. Лескова, Ж.С. Мирошниченко, Т.Б. Мурзабулатова, А.Б. Пауль, А.Б. Сарсенбаева В.М. Чурикова, А.А. Шефер, Н.В. Якубовская.

Зерттеулер мен очерктердің хронологиялық шеңбері ХІХ ғасырдың аяғынан бастап қазіргі уақытта Қазақстан Республикасында болып жатқан оқиғаларға дейінгі кезеңді қамтиды.

Жинақтың электрондық нұсқасы Лисаков мұражайының сайтында қолжетімді http://lisakovsk-museum.kz/images/-/doc/2020.pdf

Тарихшылардың ғылыми зерттеулері оқырмандарға өткеннің тәжірибесін түсінуге көмектеседі, ақпараттың үлкен жиынтығында құнды және ұтымды болады, болашақта біздің аймақтың дамуының бастауы болады деп сенеміз. Өңірлердің тарихи-мәдени мұрасын зерттеу, сақтау және насихаттау «Туған жер» арнайы жобасының аясында «Рухани Қазына» кіші бағдарламасының мақсаты болып табылады.